സ്നേഹസാഗരം തിരകളുണര്‍ത്തിയ
ഹൃദയതീര ഭൂമിയിലിന്നും
അലയുകയാണൊരു സ്വപ്നവുമായി
തീര്‍തഥാടകനായ്‌ ഞാന്‍...
......................................(സ്നേഹസാഗരം
നിര്‍മലഭാവങ്ങള്‍ മുഖശ്രീ ചാര്‍ത്തി
നിത്യവും നീയെന്നില്‍ പൂത്തുനിന്നു.
എന്റെ രാഗാര്‍ദ്രഭാവങ്ങളറിയാതെ
എന്നെയറിയാതെ നീ അകന്നു...
......................................(സ്നേഹസാഗരം
കരിയും തരളിത മോഹവുമായി
തിരയുകയാണീ ജന്മം വെറുതെ...നിന്നെ...
ഇരുളില്‍ കൈത്തിരി പകരാനാര് ..?
മറുകര അണയാന്‍ എവിടെ തോണി..?
.......................................(സ്നേഹസാഗരം
About Me
- കുരീപ്പുഴ സുനില്‍രാജ്‌
- kollam,kureepuzha
- കവിത വരുന്ന വഴികള് അറിയില്ല. നട്ടുച്ചക്കോ നട്ടാപാതി രാവിലോ വരാം. നാഷണല് ഹൈവേയിലൂടെയും ഉള്നാടന് വഴികളിലൂടെയും വരും. ചിലപ്പോള് ഒറ്റ കുതിപ്പില് തീരും. തുടങ്ങുമ്പോള് തന്നെ നിന്ന് പോകുന്നവ.. പാതി വഴിയില് ഉപേക്ഷിച്ചവ.. നാളുകള്ക്കു ശേഷം പിറകോട്ടു നടന്നു പുതുക്കിയെഴുതിയവ... എന്റെ ശൈലി എന്റെ നടത്തയുടെ താളമാണ്. ചിലപ്പോള് കിതച്ചും.. ചിലപ്പോള് വിറച്ചും. അതാവും എന്റെ കവിതകളുടെ സ്വഭാവവും. ഒരു സൌന്ദര്യശാസ്ത്രത്തിന്റെയും , വ്യാകരണശാസ്ത്രത്തിന്റെയും , സൈദ്ധാന്തിക ദുര്വാശികളുടെയും , അക്കാദമിക നിര്വച്ചനങ്ങളുടെയും , പരിധിയില് ഒതുങ്ങുന്നതല്ല എനിയ്ക്ക് കവിത. സര്ഗാത്മക സമന്വയത്തിന്റെ സൌന്ദര്യമാകണം കവിത .. പഠനമുറിയുടെ ബുദ്ധിയില് ചുട്ടെടുക്കുന്നതാവരുത് കവിത.. ഭൌതികതയുടെതലത്തില് നിന്നും യോഗാത്മകതയുടെ ലഹരി തേടണം കവിത. യുദ്ധവും പ്രണയവും വിരഹവും ഭ്രാന്തും ഭീതിയും വേദനയും രതിയും മരണവും മറ്റും മറ്റും കവിയെ കീഴ്പെടുത്തണം. ഓരോ നഷ്ട്ടപെടലുകളും വീണ്ടെടുക്കലും കവിതയാകണം.
1 comment:
സുനില്‍ സാര്‍...ഈ വരികള്‍ ഒരുപാട് ഇഷ്ട്ടമായി...നിര്‍മ്മലം..വീണ്ടും വയിക്കാന്‍ തോന്നുന്നു..അങ്ങക്ക് ആശംസകള്‍
Post a Comment